352 TESTAMENTS ENREGISTRÉS AU PARLEMENT DE PARIS (592)

chascun an exposé de l'argent pour la maintenir tousjours en bon estat selon les cas qui y sourvenoient.

Item, je veul et ordonne que, en tant comme je me suis melle de l'execucion de feu maistre Martin Gazel, à qui Dieu pardonne à l'ame, et de ce qui a esté par devers moy, mes executeurs en rendent compte et reliqua, ou composent à maistre Jehan Manchon, confesseur du roy, qui est principal executeur du dit Gazel, ou envers justice, ainsi quil

appartendra par raison,.....lesquelz seront trouvez en deux coffres

qui sont en la chambre l'où maistre Guillaume, mon frere, gisoit, sauf lant qu'il en y a trois dehors qui ne povoient pas dedens les diz coffres, c'est assavoir, le Consiliateur, Liber qui dicitur Odo tracluwn, et ung autre dont je ne sçay le nom, mais il en apperra par ung feuillet l'où sont contenus les livres dessus diz, et que de tout mes executeurs prennent bonne quictance et descharge, quar je y ay vacquié longuement et y ay fait le mieulx que j'ay peu, et sur ce soient rabatues les mises que j'ay faictes tant pour la dicte execucion comme pour le dit marchant, et aussi tel salaire comme par raison m'en puet appartenir.

Item, je laisse à maistre Guillaume, mon frere, l'un de mes bréviaires, iequel qu'il vouldra choisir de tous mes bréviaires, et si veul qu'il ait son lit, fourni de deux bonnes paires de draps, sarge et coute-pointe, telz qu'il vouldra choisir, et aussi que il ait tous ses livres, dont il en y a partie sur le banc de ma chambre de derriere devant la cheminée, et partie en mon estude, et partie en ma chambre Tou je couche, et qu'il soit creu par son simple dit quant il l'affermera; et avecques ce je veul qu'il choisisse entre mes livres six de telz comme il iui plaira, soit de theologie ou moraulx, ou pouetes, ou histoires, afin qu'il face le mieulx qu'il pourra en mon execucion, et affin qu'il prie pour l'ame de moy, et aussi pour ce que je me suis autres foiz aidé des deniers qui lui venoient de ses benefisses quant il demouroit avecques moy.

Item, je laisse à mon tres chier frere, Estiennot de Baudribosc, la somme de cinquante livres Parisis pour la paine qu'il a prins et soubz-tenu pour moy et que j'ay encores esperance qu'il prendra en mon